கடலைப்பருப்பு சுண்டல்

தேவையான பொருட்கள்:   கடலைப்பருப்பு - 200 கிராம்,  தேங்காய் துருவல் - 2 டீஸ்பூன், 

கடுகு - ஒரு டீஸ்பூன்,
காய்ந்த மிளகாய் - 2,
பெருங்காயத்தூள், கறிவேப்பிலை - சிறிதளவு,
எண்ணெய் - ஒரு டீஸ்பூன்,
உப்பு - தேவையான அளவு.

செய்முறை:

• கடலைப்பருப்பை நன்றாக கழுவி ஒரு மணி நேரம் ஊற வைக்கவும். பிறகு குக்கரில் வைத்து, ஒரு விசில் வந்ததும் இறக்கவும்.

• வாணலியில் எண்ணெய் விட்டு கடுகு தாளித்து, காய்ந்த மிளகாயை கிள்ளிப் போட்டு... வேக வைத்த கடலைப்பருப்பை தண்ணீர் வடித்து சேர்த்து, உப்பு, தேங்காய் துருவல், பெருங்காயத்தூள், கறிவேப்பிலை சேர்த்துக் கிளறி இறக்கவும்.

• சுவையான கடலைப்பருப்பு சுண்டல் ரெடி. குழந்தைகளுக்கும், பெரியோர்களுக்கு மிகவும் பிடித்தமான மாலை சிற்றுண்டி இது.